هەواڵێن سەرەکی

ب هەلکەفتا روژا بەرز راگرتنا ئالایێ پیروزێ کوردستانێ ولژێر چاڤدێریا پ. د. ئـــاری عــــادل سەرۆکا زانکۆیا پۆلیتەکنیک دهۆک، و ب سەرپەرشتیا پ. هـ. د. ضياء مصطفی راگرێ کولیژا تەکنیکی دهۆک، وب ئامادەبوونا پ. د. موئەیەد بەرەکات هاریکارێ سەرۆکا زانکۆیێ بۆ کاروبارێن کارگێری و دارایی، و پڕۆفیسۆرێ هاریکار دکتور نوزەت صادق هاریکارێ سەرۆکا زانکۆیێ بۆ کاروبارێن قوتابیان، و هژمارەکا رێڤەبەر و ماموستا و فەرمانبەران ئەڤرۆ رێککەفتی 17/12/2025 ئێکەم پیشانگەها پروژە و بەرهەمێن قوتابیێن کولیژا تەکنیکی دهۆک ل ئاڤاهیێ کولیژێ هاتە ئەنجامدان

دئەڤێ پیشانگەهێ دا بەرهەم و پروژێن قوتابیێن قوناغا دووێ و سێ یێ ژ پشکا تەکنولوژیا زانیاری و تەکنولوژیا بەرهەمێن خوراکی هاتنە نیشاندان و هەر گروپەکی ب تیروتەسەلی بەحس ل بەرهەم پروژەیێن خۆ کرن و ژلایێ خۆڤە سەرۆکا زانکۆیێ و ستافێ دگەل دا دەست خوشی ل قوتابیان کرن ژبەر رژدیا وان بۆ بەرهەفکرنا ئەڤان بەرهەم و پروژەیان.

و ل دۆیماهیێ رێورەسمێن بەرز راگرتنا روژا ئالایێ کوردستانێ ل راگریا کولیژێ هاتنە برێڤەبرن و سەرۆکا زانکۆیێ ئالایێن کوردستانێ ب راگر وهاریکارێ راگری و سەرۆک بەشێن زانستی و ژمارەکا ماموستا و فەرمانبەر و قوتابیان بەخشین.