هەواڵێن سەرەکی

ب ئامادەبوونا هژمارەکا سەرۆک زانکۆیان و هاریکارێن سەرۆک زانکۆیان و ڕاگرێن کۆلێژ و پەیمانگەهێن تەکنیکی، و پێخەمەت پەرەپێدانا پلانا ستراتیژی یا زانکۆیێن پۆلیتەکنیکی و بلندکرنا ئاستێ خواندنا بلند و داهێنانێ و شێوازێ نوێی فێرکاریێ، شاندێ زانکۆیا پۆلیتەکنیک دهۆک ب سەرۆکاتیا "پ. د. ئاری عادل" سەرۆکا زانکۆیێ و هەر ئێک ژ "پ. هـ. د. نوزت صادق" هاریکارێ سەرۆکا زانکۆیێ بۆکاروبارێن قوتابیان، "د. دلشێر احمد محمد" راگرێ کولیژ و پەیمانگەها تەکنیکی زاخۆ ، و"د. کوردمان محمد علی" راگرا پەیمانگەها تەکنیکی شێخان، و"م. ئازاد پیرۆ" رێڤەبەرێ پرۆگرامێن خواندنێ، پشکداری د وۆرک شۆپا “ئاستەنگێن بەردەم جێبەجێکرنا مەشق و ڕاهێنانێن قوتابیان ل پەیمانگەهێن تەکنیکی” کر ئەوا زانکۆیا پۆلیتەکنیک سلێمانی مێهڤاندارا وێ کری.

ئارمانج ژ ئەڤێ وورک شۆپێ موکمکرنا پەیوەندیێن بەردەوام و ستراتیژیێن بەردەوام بوو د ناڤبەرا زانکۆیان و کەرتی تایبەت دا و هەروەسا پەخشکرنا زانیاریێن نوی و شیان بەخشینا قوتابیان بوو دبوارێ مەشق و ڕاهێنان دا و ژلایەکێ دیڤە بەحس ل چارەسەریا ئەوان ئاستەنگان هاتە کرن ئەوێن ل دەمێ جێبەجێکرنا مەشقێ دا دهێنە دیتن، و هژمارەیەکا رێڤەبەر و ئەندامێن لیژنێن جێبەجێکرنا مەشقا هاڤینێ ل زانکۆیان دانوستاندن لسەر ئەڤێ چەندێ کڕ

ل دووماهیێ ژمارەکا پێشنیاز و دیتن و بووچوونان و پێخەمەت چارەسەریێن زانستی هاتنە ئاراستە کرن ژ بۆ بهێزکرنا بنەمایێن مەشق و ڕاهێنانێ، کۆ قوتابیان ب شێوەیەکێ بهێزتر و باشتر ئاراستەی بازاڕی کاری بکەن.