هەواڵێن سەرەکی

زانکۆیا پۆلیتەکنیکى یا دهۆک (DPU) و بهەڤکارى دگەل سەنتەرێ پێشڤەبرنا ئەکادیمى و پیشەیى (CAPA) لـ زانکۆیا ئەمریکى کوردستان دهۆک، سمينارەك لدور بابەتێ (CAPAi) کەمپا راهێنانێ یا داهێنان و کارسازیێ (Innovation Challenge Bootcamp) .

دڤێ سمینارێ دا بەشدار بويان پێزانینان وەرگرتن لسەر ڤى پروگرامى، چاوانیا پێشکێشکرنێ بو سکۆلەرشیپا ڤى پروگرامى و چاوا ئەف پروگرامە هاریکارە کو تو کارێ خو یێ تایبەت دەست پێ بکەى و بەشدار ببى دچارەسەرکرنا ئاریشەیێن کومەلگەهێ دا.

خانم خوناڤ ئيبراهيم، هاريکارا بازارکارێ لـ سەنتەرێ (CAPAi) سەرپەرشتييا ڤێ روينشتنێ کر و پێزانین و تێبینیێن بنرخ دەربارەی مفایێن بەشداریکرنێ دڤى پروژەى دا و پروسێسا پێشکێشکرنێ بو ئامادەبویان شروڤکرن.

‏کەمپا راهێنانێ یا (Innovation Challenge Bootcap) بسه رپەرشتييا راڤی سيمونيان، رێڤەبەرێ جێبەجێکارێ سەنتەرێ ڤەکولینێن کارا (Epicenter) لزانکۆیا کالیفورنیا لـ لوس ئەنجلوس (UCLA) ، کو دهێتە نياسين ژبو رێبازەك بو پەروەردەکرنا بيرکرنا داهێنەران د بوارێ بازرگانی دا. لـ زانکۆیا ئەمریکى کوردستان (AUK) ئە ف ۆروگرامە سکولەرشيپ پێشکێشی گەنجێن خودان شيان دکەت . بابەتێن بنەرەتی بخوڤە دگريت وەکی ژارسازی، رێڤەبرنق پروژان، هزرکرنا شيکاری، تەکنولوژى بو دامەزرێنەرێن کارێن نوى، دگەل جەختژرنەکا بهێز لسە ر چارەسەرکرنا کێشێن داهێنەرانە.

ئە ف سمينارە وەك دەرفەتەکێ بوو بو بەشداربويان داکو دەربارەی ڤی پروگرامێ گورانکار فێربن، کو ئارمانجا پروگرامی بهێزکرن و ئيلهامبەخشينە برێکا کەمپە کا دوو هەفتەی یا راهێنانێن کردارى کو بريارە د هاڤينێ دا بهێتە ئەنجام دان. بەشداربوو ژ ڤێ سمينارێ دەرکەتن بهەبونا زانينێ دەربارەی پێشکێشکرنێ بو ڤی پروگرامی و کو پێنگاڤێن خو يێن دەستپێکێ پاڤێژن بەرەڤ بەشداریکرن دچارەسەرکرنا کێشەیێن کومەلگەهێ دا و دەستپێکرنا کارێن خو یێن تایبەت.

هەژى گوتنێ یە کو کەمپا راهێنانێ یا ئەف سالا سێ بوارێن سەرەکى بخو ڤە دگریت ئەو ژى (تەکنولوژیا دارایى، فێربون، و بوارێ کەرتێ گەشت و گوزارى و مێڤاندارى یێ).