هەواڵێن سەرەکی

ب سەرپەرشتیا بەرێز سەرۆکا زانکۆیێ، پ. د. ئاری عادل، و ب ئامادەبوونا ئەندامێن جڤاتێ، نوینەرێن مامۆستایان و قوتابیان، دووەمین کۆمبوونا ئاسایی یا جڤاتا زانکۆیا پۆلیتەکنیک دهۆک، ئەڤرۆ پێنجشەمبێ، ڕێکەفتی ٢٩/١٠/٢٠٢٦، ل دەمژمێر ١٠:٠٠ی سپێدێ، ل ئاڤاهیێ سەرۆکاتیا زانکۆیێ هاتە ئەنجامدان.

دکۆمبوونێ دا، دانوستاندن لسەر چەندین تەوەرێن گرنگ یێن گرێدای ب کاروبارێن زانستی، ئەکادیمی، کارگێڕی، دارایی و کاروبارێن قوتابیان هاتنە کرن.

ل دەستپێکا کۆمبوونێ، سەرۆکا زانکۆیێ کۆمەکا ڕاسپاردە و ڕێنماییان پێشکێشی ئەندامێن جڤاتێ کرن، ب مەبەستا پێشخستنا ڕەوشا زانستی و ئەکادیمی یا زانکۆیێ. پاشی، ب شێوەیەکێ تێر و تەسەل، خاڵێن بەرناما کاری یا جڤاتێ هاتنە دیارکرن، کو سێ تەوەرێن سەرەکی بخۆڤە دگرتن.

د تەوەرێ ئێکێ: دا کاروبارێن کارگێڕی و دارایی هاتنە بەحسکرن. هەروەسا، گرنگی ب خەرجیێن دارایی و پێگیریا دەواما فەرمی یا مامۆستا و فەرمانبەران، ل گەل دەواما قوتابیان، هاتە دان.

د تەوەرێ دووێ دا: دانوستاندن ل سەر کاروبارێن زانستی و خواندنا بلند هاتە کرن. ئەڤان کاروباران پەیوەندی ب لیژنێن متمانەبەخشینێ، جڤاتێن ڕاوێژکاری، سالناما زانکۆیێ، پاشئێخستنا پێنج قوتابیێن خواندنا بلند بۆ ڕەوەندێ بهێت ولیژنا بەرزکرنا ناسناڤێ زانستی هەبوون .

تەوەرێ دوماهیێ گرێدای ب کاروبارێن قوتابیان بوو. دڤی بەشێ کۆمبوونێ دا، دانوستاندن ل سەر قوتابیێن نوی هاتینە وەرگرتن و ئەزمونێن قوتابیێن قۆناغێن دی هاتە کرن. هەروەسا، کێمییا ژمارا قوتابیێن قۆناغا ئێکێ ل خاندنا سپێدە و ئێڤاران یا هندەک بەشێن خواندنێ ل زانکۆیێ، و کاروبارێن بشکێن نافخویی هاتنە بەحسکرن.

ل دوماهیا کۆمبوونێ، سەرۆکا زانکۆیێ ئاماژە ب ڤێ چەندێ کر کو پرسیار، پێشنیار و ڕاسپاردێن هاتینە ئاراستەکرن، دێ ل دویف ڕێنمایێن پەیوەندیدار هێنە جێبەجێکرن، ب مەبەستا باشتر خزمەتکرنا مامۆستایان، فەرمانبەران و قوتابیان، و پێشڤەبرنا کاروانێ ئەکادیمی یێ زانکۆیا پۆلیتەکنیک دهۆک.