هەواڵێن سەرەکی

ب مەرەما پویتەدان ب چالاکیێن پروگرامێ TVET2 یێ سەر ب رێکخراوا UNISCO ڤە شاندێ زانکۆیا پۆلیتەکنیک دهۆک یێ پێک هاتی ژ"پ. هـ. د. نوزت صادق ئەحمەد" هاریکارێ سەرۆکا زانکۆیێ بۆ کاروبارێن قوتابیان، "د. شیروان مصطفى سیفدین"رێڤەبەرێ پەیوەندیێن نێڤدەولەتی ل سەرۆکاتیا زانکۆیێ، و نوینەرێن زانکۆیێن پۆلیتەکنیکیێن حکومەتا فیدرال و هەرێما کوردستانێ سەرەدانا وەلاتێ رومانیا کرن.

ل دور ئەڤێ سەرەدانێ "پ. هـ. د. نوزەت صادق ئەحمەد" هاریکارێ سەرۆکا زانکۆیێ بۆ کاروبارێن قوتابیان گۆت: پێخەمەت گرنگیدان ب چالاکیێن پروگرامێ TVET2 یێ سەر ب رێکخراوا UNISCO و خورتکرنا پەیوەندیان دناڤبەرا زانکویێن عیراقێ و هەرێما کوردستانێ و زانکۆیێن ئەوروپى، ل رێکەفتی 22\11\2023 مە سەرەدانا وەلاتێ رومانیا کر و بۆ دەمێ حەفتیەکێ ماینە ل رومانیا و د ئەڤان حەفت روژان دا ئەم بگەرمی ژلایێ هەر سێ زانکویێن (National University of Science and Technology POLITEHNICA Bucharest (NUSTPB)، Veterinary Medicine of Bucharest (USAMV) University of Agronomic Sciences and Technical University of Civil Engineering of Bucharest (UTCB)) هاتینە پێشوازى کرن و مە چەندین کومبونێن گرنک ئەنجامدان.

ژلایەکێ دیڤە دکتور نوزەت ئاماژە ب وێ چەندێ ژی کر کو شیاینە دئەڤێ سەرەدانێ مفایەکێ مفای ژ دەمی وەرگرین و یاداشتنامەکا لێکتێگەهشتنێ ژی دناڤبەرا زانکۆیا پۆلیتەکنیک دهۆک و زانکۆیا پۆلیتەکنیکى بوغارست هاتیە ئیمزا کرن، کو گرنکترین خالێن ئەڤێ یاداشتنامێ پێک دهێن ژ لێکگوهارتنا زانیاریان وستافێ ئەکادیمی و دروستکرنا ڤەکۆلینان و چەندین کارێن دیێن ئەکادیمى دنافبەرێ قوتابی و ستافێ هەر دوو زانکۆیان