هەواڵێن سەرەکی

پشتی ل رێککەفتی 2025/8/21 "پ. د. ئـــارى عــادل" سه‌رۆکا زانكۆیا پۆلیتەکنیک دهۆک، و"پ. هـ. د. اراز رجب" راگرێ په‌يمانگه‌ها ته‌كنيكى دهۆك و ستافێ دگەل دا لدهۆکێ پێشوازیا فه‌رمانده‌ "عزيز وەيسى بانى" فه‌رماندێ هێزا زێره‌ڤانى ل كوردستانێ وشاندێ دگەل دا کڕی، ل رێککەفتی 3\9\2025 شاندێ زانکۆیێ ب سەرۆکاتیا "پ. د. موئەید بەرەکات" هاریکارێ سەرۆکا زانکۆیێ بۆ کاروبارێن کارگێری و دارایی سەرەدانا هێزا فەرماندەیا زێرەڤانی ل هەولێری کڕ

د روینشتنەکێ دا هەر دوو لایان بەحسا رەوشا هه‌ريمێ و ئاستى خواندنێ و ره‌نگ و شێوازێن وێ ل زانکۆیا پۆلیتەکنیک دهۆک بگشتى و په‌يمانگه‌ها ته‌كنيكى دهوك بتايبه‌تى کرن، و ژلایەکێ دیڤە دانوستاندن لسەر کارێن هەڤپشک و هەفکاریا زانستی و پراکتیکی هاتە کرن، و تەکەزی لسەر جێبەجێکرنا خالێن کۆمبونا بوری هاتە کرن کۆ دێ چەندین خولێن جورا و جور هێنە ڤەکرن وەکی خۆلا چاوانیا بکارئینانا ئامیرێ رێپیڤانێ Topcon 0.7، و خۆلا چارەسەریا سرۆشتی، خۆلا CNC، خۆلا چاوانیا پشکنینا ئاخێ، خۆلا پرۆگرامێن کومپیوتەری، چارەسەریێن دەستپێکی و خۆلا لکاندنێ ل پەیمانگەها تەکنیکی دهۆک بۆ لەشکەرێ فەرماندەیا هێزا زێرەڤانی.

ژلایەکێ دیڤە ستافێ فەرماندەیا زێرەڤانی و شاندێ زانکۆیێ سەرەدانا تاقیگەهـ و لابورێن لەشکەریێن هێزا فەرماندەیا زێرەڤانی کڕ، ب مەرەما هایداربوون و مفا وەرگرتنێ ژ ئامیر و تاقیگەهێن ئه‌ندازيار و پزیشکی ب مەرەما وێ چەندێ د روژێن بهێت دا راهێنانێن پراکتیکیێن ئەکادیمی لسەر خۆلێن هاتینە دیارکرن بۆ لەشکەرێ هێزا فەرماندەیا زێرەڤانی ژلایێ ستافێ زانکۆیا پۆلیتەکنیک دهۆک ڤە بهێنە ڤەکرن.