هەواڵێن سەرەکی

ل دویڤ داخوزنامەیا رێکخراوا DAAD یا ئەڵمانی ل ڕێككه‌فتی 24 هەتا 29ی 9ی 2023 مە ب یاوەریا شاندێ وه‌زاره‌تا خواندنا بلند وڤەکولینێن زانستى و ژمارەکا سه‌رۆك زانكۆیان، و ب پشتەڤانیا رێکخراوا DAAD سه‌ردانا ژمارەکا دام و دەزگەهێن فێرکرنێ و ئەکادیمی ل وڵاتێن ئه‌ڵمانیا و به‌لجیكا كر.

شاندێ زانکۆیێن هەرێما کوردستانێ ژلایێ سەرۆک بەشێ هەماهەنگیا رێکخراوا DAAD ڤە هاتنە پێشوازیکرن و ژلایێ خوڤە سەرەدانا پشکێن زانستێن زانكويا Baden-Wuerttemberg Cooperative State University ( DHBW Stuttgart) یا تەکنیکی وزارەتا زانست و ڤەكولينين هونەرى Ministry of Science Research and Arts و ل جڤاتا باوەرپێکریا ئەلمانى German Accreditation Council و ناڤەندا هەڤكارێن ئەکادیمیێن نێڤدەولەتی Centre for International Academic Cooperation's و سازيا ئەلمانى یا پەروەردەیا پیشەیىFederal Institute for Vocational Education Training) و زانکۆیا کولین و زانكۆيا RWTH Aachen University ، هەر دئەڤێ سەرەدانێ دا چەندین سمینار ژلایێ ستافێ زانكۆیێن ئەلمانى ڤە ل دور پێناسەکرنا زانکۆیان و ڤەدیتنا دەرفەتێن پەیوەندیان ڤە هاتنە پێشکێشکرن پێخەمەت خورتکرنا پەیوەندیێن زانکۆیێن هەرێما کوردستانێ و ئەلمانیا.

ژلایەکێ دیڤە شاندێ نافهاتی سەرەدانا نڤیسینگەهێن DAAD ل بروكسل/ بلجيكا کر ، و دگەل کومسیونا ئوروپا کومبوون ودەلیڤەیێن پروگرامێن ئێکەتیا ئوروپی بۆ هەرێما کوردستانێ هاتنە گەنگەشەکرن.

و ل دویماهیێ شاندێ زانکۆیێن هەرێمی یێ پێک هاتی ژ ستافێ وەزارەتێ و سەرۆک زانکۆیان سەرەدانا كومەلين زانکۆیێن ئوروپى European Universities Associations کر و تەکەزى لسەر خورتکرنا پەیوەندیان و لیکگوهارتنا ستافێ ئەکادیمى هاتە کرن.