هەواڵێن سەرەکی

3275 قوتابی ل زانکۆیا پۆلیته‌کنیکی یا دهۆک ده‌رچوون

رێورەسمێن دووازدەهەمین ئاهەنگا دەرچوونا قوتابیێن زانکۆیا پۆلیتەکنیک دهۆک ب پشکداریا شەش کولیژ و هەشت پەیمانگەهان هاتە برێڤەبرن

ئەڤرۆ رێککه‌فتی 8-10-2023 لژێر دروشمێ (ب زانست فێربووین دێ پیشە کار کەین) ئاهەنگا گەرا دوازدێ بۆ 3275 دەرچویێن سالا خواندنێ (2023- 2024) ل یاریگەها یانەیا دهۆک یا وەرزشى ب ئاماده‌بوونا نوینەرێ وه‌زیرێ خۆاندنا بڵند و ڤه‌کۆلینێن زانستی و جێگرێ پارێزگارێ دهۆکی وسەرۆک زانکۆ و ژماره‌کا رێڤەبەر و بەرپرسێن حکۆمی و حزبی و رێکخراوێن جڤاکێ مه‌ده‌نی و ماموستا و قوتابی و خێزانێن ده‌رچوویان هاته‌ گێران

دبرگا ئێکێ یا ئاهه‌نگێ دا رێپیڤانا قوتابیێن کولیژ و پەیمانگەهان و وەرگرێن باوەرناما ماستەر و دکتورایێ و ماموستاێن زانکۆیێ ده‌سپێکڕ و چەند ئایەتێن قورئانا پیروز هاتنە خواندن، و دبرگا دووێ دا پروفیسور دکتورە ئــــاری عـــادل سه‌رۆکا زانکۆیا پۆلیته‌کنیکی یا دهۆک بخێرهاتنا مێهڤانا و خێزانێن ده‌رچوویان کر و گوت : ئەڤروکە ئەم یێ ئاهەنگێ بۆ (3275) دەرچوویان دگێرین و ل سەر ئاستێ زانکۆیێ تا نها (54,710) قوتابى دەرچووینە، و ژلایەکێ دیڤە کاروچالاکیێن زانکۆیێ ژلایێ زانستی و کارگێرى و دلنیایى جورى ڤە دانە دیارکرن پێخەمەت جێبەجێکرنا سیستەمێ ئەلکترونیکرنا زانکـۆیێ E University، هەروەسا دانە نیاسینا پروژێ بناڤێ پلاتفورمێ دەرفەت یێ بدەستڤەئینانا دەرفەتێن کارى لایەکێ دی یێ پەیڤا سەرۆکا زانکۆیێ بوو، ئەو چەندە ژی دیار کڕ کو ب پشتەڤانیا حکومەتا هەرێما کوردستانێ و وەزارەتا خواندنا بلند و ڤەکولینێن زانستى و وەزارەتا دارایى چەندین پروژە درێکێ دانە مینا پروژێ ئاڤاکرنا دوو ئاڤاهیان ل کولیژا تەکنیکى یا زاخۆ ب کوژمێ (2,276,000,000) دیناران و پروژێ تەمامکرنا ئاڤاهیێ کولیژا تەکنیکى دهۆک، ژلایەکێ دیڤە تەکەزی لسەر هەر دوو پروژێن بەشێن نافخویى یێن قوتابییان و هولێن خواندنێ ل پەیمانگەها تەکنیکى شێخان و پروژێن ستراتیژى یێن سەنتەرێن راوێژکارى و فێرکرنێ بۆ خزمەتکرنا خەلکێ پارێزگەها دهۆکێ ب گشتى و خزمەتکرنا قوتابیێن زانکۆیێ بۆ فێرکرنا پراکتیکى کۆ پێک دهێت ژ (چارەسەریا سروشتى، پەرستارى، تاقیگەهێن چێکرنا ددانا، سەنتەرەکێ نەخوشیا ئوتیزمێ یێ پێشکەفتى، سەنتەرێ راهێنانێن تەکنیکى و نڤیسینگەهێن راوێژکارى یێن کارگێرى و ژمێریارى و یاسا و راهێنانێن تەکنیکى)، هەروەسا دروستکرنا دروستکرنا باخچەکێ تەکنیکى یێ زاروکان بۆ زاروکێن ماموستا و فەرمانبەرێن زانکۆیێ پێنگاڤەکا گرنگە کو دێ دێ ب شێوازێ فێرکرنێ بیت و د ئەڤى باخچەى دا فێری تەکنیکى بن.

دەربارەی ئەنجامدانا کونفرانسێن زانستی سەرۆکا زانکۆیێ گوت: چوارەمین کونفرانسێ زانستى یی نێڤدەولەتیێ (تەکنیکێن پزیشکى و بایولوجى) ئەنجامدا، هەروەسا چوارەمین کونفرانسێ نیڤدەولەتى یێ (کوالێتیا پەروەردە و فێرکرنێ ل عیراقێ) هاتە ئەنجامدان و هەروەسا ل مەها (12) یا ئەڤ سالە دێ کونفرانسەکێ دى یێ نیڤدەولەتى ل زانکۆیا مە هێتە ئەنجامدان لژێر ناڤێ (تەکنیکێن ئەندازیاریێن بەردەوام) و هەروەسا بۆ سالا 2025 دێ کونفرانسێ پێنجێ یێ (ICOS) لژێر ناڤێ (زانستێن ئەندازیاریێن پێشکەفتى) هێتە ئەنجامدان، زانکۆیا پۆلیتەکنیک بزاڤێ دکەت ل سەر بەردەوامى دان ب پەیوەندیێن نیڤدەولەتى لەورا چەندین رێکەفتن نامە هاتینە ئیمزاکرن دگەل کومەکا زانکۆیێن نیڤدەولەتى و هەرێمى و کاردکەین کۆ پەیوەندیێن ناڤخویى و نێڤدەولەتى ببنە رێیەک بۆ لێکگوهوورینا پێزانینان ژ روویێ زانستى و تەکنولوجیا سەردەم ڤە پێخەمەت وێ چەندێ زانکویا مە یا پێشکەفتى بیت، لەورا هەولێن مە دبەدەوامن بۆ پێگەهاندنا کادرەکێ خودان ئەزموونەکا زانستى و مەعریفى و ئەکادیمى.

ژلایێ خۆڤە دکتور "یاسین صالح" وەک نوینەرێ وه‌زیرێ خۆاندنا بڵند و ڤه‌کۆلینێن زانستی دپەیڤەکێ دا پیروزباهیا دەرچوویان کر و بەشەک ژ کاروچالاکیێن وەزارەتێ دا دیارکرن و گوت: سەربلندین بەرامبەر هەوە چونکی ئەوا ب مە هاتی د ئەڤان چوار سالێن بوری دا مە کر و هەزاران دەرفەتێن خواندنا دبلۆم و بەکالۆریۆس و دبلۆمی بلند و ماستەر و دکتۆرایێ مە رەخساند، گۆڕانکاریێن بنەڕەت مە د ڕێنماییاندا کرن ب تایبەت گۆڕانکاریێن مەرجێن توانستا زمانێ ئینگلیزی کو ژمەرجێن پێشوەخت مە گۆڕین بۆ مەرجێن تەواوکاری هەتا کاندیدێن خواندنا بلند بشێن دگەل پرۆسەیا خواندنا ئەکادیمی دا مەرجێن توانستا زمانێ ئینگلیزی دەستەبەر بکەن، هەروەسا مە شیا کریێ یا خواندنا پارالێڵ ب ڕێژەیا (٤٥٪) داشکاندنێ بۆ بکەین، وبئەڤێ چەندێ دەرفەتا زێدەتر مە بۆ گەنجێن وڵاتێ خۆ پەیداکڕ بۆ وێ چەندێ خەونێن خۆ دناڤ وەلاتێ خۆدا بجهبینن، و ل دویماهیێ دکتور یاسینی دوبارە پیرۆزباهیا دەرچویان کڕ و هیڤی خواستن کۆ بەدەستڤەئینانا باوەرنامەیێ زێدەتر پشتەڤانیا وان بکەت بۆبوارێ ئەکادیمی و دەرڤەی ئەکادیمیا خزمەتا زێدەتر پێ بکەن، ویا دشیانێن وەزارەتا خواندنا بلند و ڤەکولینێن زانستی دا بیت دێ بۆ هەوە هێتە کرن.

ژلایەکێ دیڤە پەیڤا قوتابیێن دەرچوى ژلایێ پێشمان رەشید بەرپرسێ لقا زانکۆ و پەیمانگەهان ڤە هاتە خواندن، و دبەردەوامیا برگەیێن ئاهەنگێ دا سویندا پزیشکی یا ده‌رچوویان ژلایێ (پ. ھ. د. یەمان سامی) هاریكارێ سەرۆکا زانکۆیێ بۆ کاروبارێن زانستی و خواندنا بلند ڤە هاتە خواندن وژلایەکێ دیڤە سویندا گشتی یا دەرچوویان ژلایێ (پ. هـ. د. نوزت صادق) هاریکارێ سەرۆکا زانکۆیێ بۆ کاروبارێن قوتابیان ڤە هاته‌ خواندن و قوتابیان دیفرا ڤەگێرا و دهەمان دەم دا داخازا پێدانا باوه‌رنامەیێن قوتابیان ژ سه‌رۆکا زانکۆیێ کرن و سەرۆکا زانکۆیێ ژی هەر ئێکى و ل دویف بسپوریا وی باوەرنامە پێ بەخشین.