هەواڵێن سەرەکی

ب مه‌رما دروستکرنا پرەکا هه‌ڤكاريێ دنافبه‌را زانكۆيێ و ناڤه‌ندێن له‌شكری دا، ل رێککەفتی 2025/8/21 "پ. د. ئـــارى عــادل" سه‌رۆکا زانكۆیا پۆلیتەکنیک دهۆک، و"پ. هـ. د. اراز رجب" راگرێ په‌يمانگه‌ها ته‌كنيكى دهۆك و ستافێ دگەل دا پێشوازیا فه‌رمانده‌ "عزيز وەيسى بانى" فه‌رماندێ هێزا زێره‌ڤانى ل كوردستانێ وشاندێ دگەل دا کڕ

پشتی هەر دوو لایان دروینشتنەکێ دا بەحس رەوشا هه‌ريمێ و ئاستى خواندنێ و ره‌نگ و شێوازێن وێ ل زانکۆیا پۆلیتەکنیک دهۆک بگشتى و په‌يمانگه‌ها ته‌كنيكى دهوك بتايبه‌تى کرین، دانوستاندن لسەر کارێن هەڤپشک و هەفکاریا زانستی و پراکتیکی هاتە کرن و سەرۆکا زانکۆیا بەرهەڤیا زانکۆیێ بۆ هەر کارەکی دیارکڕ و ژلایەکێ دیڤە تەکەزی لسەر ڤەکرنا چەندین خۆلێن جورا و جور هاتە کرن وەکی خۆلا چاوانیا بکارئینانا ئامیرێ رێپیڤانێ Topcon 0.7، و خۆلا چارەسەریا سرۆشتی، خۆلا CNC، خۆلا چاوانیا پشکنینا ئاخێ، خۆلا پرۆگرامێن کومپیوتەری، چارەسەریێن دەستپێکی و خۆلا لکاندنێ ل پەیمانگەها تەکنیکی دهۆک بۆ لەشکەرێ فەرماندەیا هێزا زێرەڤانی بهێنە ڤەکرن.

ژلایەکێ دیڤە ستافێ زانکۆیێ و شاندێ فەرماندەیا زێرەڤانی سەرەدانا تاقیگەهـ و لابورێن پشکێن خواندنێ یێن پەیمانگەها تەکنیکی يا دهوك کڕ، ب مەرەما هایداربوون و مفا وەرگرتنێ ژ ئامیر و تاقیگەهێن ئه‌ندازيار و پزیشکی و تەکەزی لسەر وێ چەندێ هاتە کرن کۆ د روژێن بهێت دا راهێنانێن پراکتیکیێن ئەکادیمی لسەر خۆلێن هاتینە دیارکرن بۆ لەشکەرێ هێزا فەرماندەیا زێرەڤانی ل زانکۆیا پۆلیتەکنیک دهۆک بهێنە ڤەکرن.