هەواڵێن سەرەکی

ب مەرەما ڤەکرنا خۆلێن ڕاهێنانێ لدور پڕوگرامێن ئەپلیکەیشنێن موبایلان و مالپەران و کومپیوتەری بۆ قوتابیێن زانکۆیێ و ب پشتەڤانیا ڕێکخراوا GIZ یا ئەلمانی، ل ڕێککەفتی 2025/6/18 ولدەمژمێر 1:00 نیڤرۆ یاداشتنامەیەکا لێکتێگەهشتنێ دنافبەرا ڕێڤەبەریا سەنتەرێ گەشەپێدان بۆ کاری یا زانکۆیا پۆلیتەکنیک دهۆک و ڕێکخراوا The Lotus Flowers ل سەرۆکاتیا زانکۆیێ هاتە ئیمزاکرن.

ئەڤ یاداشتنامەیا لێکتێگەهشتنێ ژلایێ "پ. د. موئەیەد برکات" هاریکارێ سەرۆکا زانکۆیێ بۆ کاروبارێن کارگێری و دارایی، "م.ڤیان ئەحمەد" سەرۆکا ڕێکخراوا The Lotus Flowers هاتە ئیمزاکرن، و لدور ئەڤێ چەندێ ژی "د. فائز سعید" ڕێڤەبەرێ سەنتەرێ گەشەپێدان بۆ کاری گۆت: ئارمانجا زانکۆیا مە ژ ئیمزا کرنا ئەڤێ یاداشتنامەیێ ئەوە ل دەستپێکێ خۆلێن ڕاهێنانێ لدور پڕوگرامێن ئەپلیکەیشنێن موبایلان و مالپەران و کومپیوتەری بۆ 25 قوتابیێن زانکۆیێ یێن کچ ڤەکەین، و هەروەسا مە هزر د وێ چەندێ ژی دا کریە زێدەتر مفای بگەهینینە رێژەکا باش یا قوتابی و دەرچویێن زانکۆیا پۆلیتەکنیک دهۆک.