هەواڵێن سەرەکی

ل ڕێکەفتی ١٢ ئادارا ٢٠٢٤ و ب ئامادەبونا (پ. هـ. د. یەمان سامی) هاریکارێ سەرۆکا زانکۆیا پۆلیتەکنیک دهۆک بۆ کاروبارێن زانستی ، (پ. هـ. د. نوزت صادق) هاریكارێ سەرۆکازانکۆیێ بۆ کاروبارێن قوتابیان، و رێڤەبەرێ رێکخراوا ئایسپو، و سەرۆکێ دەزگەهێ ئیتاڵی بۆ هەڤکاریا گەشەپێدانێ ل ئوفیسا عمان، و سەرۆک زانکۆیا دهۆک، و رێڤەبەرێ گشتی یێ ساخلەمیا پارێزگەها دهوکێ و راگرێ پەیمانگەها تەکنیکی دهۆک و ژمارەکا ماموستایێن زانکۆیا پۆلیتەکنیک دهۆک و نوینەرێ زانکویا ساساری و رێکخەرێن سەرەکی یێن پروژەی و نوینەرێن سەرپەرشتکارێن کلینیکی و راهێنەرێن کلینیکی و ژمارەکا قوتابیان وورک شۆپا بدویماهیک ئینانا پروژەیێ باشترلێکرنا کواڵتیا راهێنانا پراکتیکی بو قوتابیێن پیشەیێن تەندروستی ل هولا کونفرانسان هاتە ئەنجامدان.

د ئەڤێ وورک شۆپێ دا لایەنێن هەڤپشک دەستکەفتێت سەرەکیێن پروژەی و ئەنجامێن هەلسەنگاندنێ دانە دیارکرن ئەوێن د دەمێ ٣ ساڵێن بوری دا هاتیە کرن پێخەمەت بهێز کرنا کەرتێ ساخلەمیێ ڤە و ژلایەکێ دیڤە ئەو چەندە ژی هاتە دیارکرن کۆ ٥٤ سەرپەرشتکارێن کلینیکی، ٤٨ راهێنەر و ١٥٢ راهێنەرێن کلینیکی ژ پشکێن پزیشکیێن کولیژ و پەیمانگەهێن تەکنیکیێن زانکۆیا پۆلیتەکنیک دهۆک و زانکۆیا دهۆکێ دئەڤی پروژەی دا هاتینە راهێنان دان، هەروەسا زێدەتر ژ ٢٠٠٠ قوتابیان پشکداری د مەشق و راهێنانێن هاڤینێ دا کریەو زێدەتر ژ ٢٨٠٠ قوتابی مفا ژ وانە و راهێنانێن هاوشێوەسازیێ ل سەنتەرێ راهێنانا شیانێن کلینیکی وەرگرتیە، ژلایەکێ دیڤە تاقیگەهەکا کومپیوتەری، دوو تاقیگەهێن چارەسەریا سروشتی، و دابینکرنا کەلوپەلێن تاقیگەها، ئامیرێن ئوفیسێ، وکەل و پەلێن پزیشکی بۆ دەزگەهێن هەڤپشک ژلایێ هاتینە ئامادەکرن.