هەواڵێن سەرەکی

لژێر چاڤدێریا پ.د.ئــارى عــادل، سەرۆکا زانکۆیا پۆلیتەکنیکى یا دهۆک و ب سەرپەرشتیا پ.هـ.د.احمد فتاح، راگرێ په‌یمانگه‌ها تەکنیکی یا ئامێدیێ، رێورەسمەک بو ساخکرنا شەهیدبوونا شێخ عبدالسلام بارزانى و هەڤالێن وى، دگەل ئیمزاکرنا پەرتوکەکێ لدوور "هونەرێ گوتاربێژیێ" ل هۆلا پەیمانگەها ئامێدیێ هاتە سازکرن

ل روژا دووشەمبى ١٥-١٢-٢٠٢٥ ب ئامادەبوونا پ.د.ئـــارى عـــادل، سەروکا زانکۆیا پۆلیتەکنیک دهۆک، و بەرپرسێ لقا ١٨ یا پارتى و راگرێ پەیمانگەهێ و ژمارەکا زوور ژ بەرپرسێن حکومى و حزبى و ماموستا و فەرمانبەر و قوتابیێن پەیمانگەهێ، رێورەسمەک بۆ ساخکرنا یادێ شەهیدبوونا شێخ عبدالسلام بارزانى و هەڤالێن وى،دگەل ئیمزاکرنا پەرتوکەکێ لدوور هونەرێ گوتاربێژیێ هاتە سازکرن.

ل دەستپێکا ڤان رێورەسمان بەرپرسێ لقا ١٨ یا پارتى بەرێز بەهرام عریف یاسین، بەحس ل روول و خەباتا شورەشگێرانە یا شێخ عبدالسلام بارزانى و هەڤالێن وى د بزاڤا رزگاری خوازا کوردستانێ دا کر، پاشان چەند ستران و هوزانێن نەتەوى و نشتیمانى ژ لایێ هوزانڤان شعبان سلێمان و هونەرمەند دژوار رەزیکى ڤە ل سەر بابەتى هاتنە گوتن، دیسان پەرتوکا "هونەرێ گوتاربێژیێ" یا نڤیسەر عبدلعزیز محسن بارزانی ژ لایێ ماموستا هەلکفت عبدالواحد، ڤە هاتە بەحسکرن و شروڤەکرن.

پاشان نڤیسەرێ پەرتوکا "هونەرێ گوتاربێژیێ" عبدالعزیز محسن، بارزانی دپەیڤەکێ دا سوپاسیا پەیمانگەهێ و هەمی بەرێزێن بەشدار دڤێ چالاکیێ دا کر، دوڤدا رێورەسمێن ئێمزاکرن و بەلاڤکرنا پەرتوکێ هاتنە برێڤەبرن.

ل دووماهیێ ژى رێز و سوپاسیێن پەیمانگەها تەکنیکى یا ئامێدیی ب وان کەسان هاتنە بەخشین یێن هەڤکار و بەشدار دڤێ چالاکیێ دا