هەواڵێن سەرەکی

ب مەرەما موکمکرنا پەیوەندیان و ئەنجامدانا کونفرانسێن هەڤپشک ئەڤرۆ روژا ئەینی رێکەفتی 2024/5/31 هاریکارێن سەرۆکا زانکۆیێ و ستافێ دگەل دا پێشوازیا شاندێ زانکۆیا لایپزێک و خواندنێن روژهەلاتا ناڤەراست و سەنتەرێ ڤەکولینێن ئێزدیناسیێ ئەلمانیا کڕ

د روینشتنەکێ دا دانوستاندن ل دور موکمکرنا پەیوەندیان و ئەنجامدانا کاروچالاکیێن زانستی و ئەکادیمی هاتە کرن و ژلایەکێ دیڤە تەکەزی لسەر ئەنجامدانا کونفرانسێن هەڤپشک و لێکگوهارتنا زانیاریان هاتەکرن و هەر ب ئەڤێ مەرەمێ یاداشتنامەکا لێکتێگەهشتنێ ژلایێ "پ. د. مؤيد بركات حسن" هاریکارێ سەرۆکا زانکۆیا پۆلیتەکنیكى يا دهۆك بۆ کارۆبارێن کارگێری و دارایی و "پ. د. سبستیان مایسن" نوینەرێ زانکۆیا لایبزێک و سەرۆکێ پشکا خواندنێن روژهەلاتا ناڤەراست و سەرۆکێ سەنتەرێ ڤەکولینێن ئێزدیناسیێ ئەلمانی، ل سەرۆکاتیا زانکۆیا پۆلیتەکنیک دهۆک، ب ئامادەبوونا "پ. هـ. د. یەمان سامي شریف" هاریکارێ سەرۆکا زانکۆیێ بۆ کارۆبارێن زانستی و رێڤەبەریا پەیوەندیێن نێڤدەولەتی و راگەهاندنا زانکۆیێ و شاندێ زانکۆیا لایپزێك و Yezidi Studies Center ڤە هاتە ئیمزاکرن، و دهێتە چاڤەرێکرن ل ئایندەکێ نێزیك خالێن لێکتێگەهشتنێ بهێنە جێبەجێکرن