هەواڵێن سەرەکی

پێخەمەت پشکداریکرن د بەرنامەیێ سەرکردایەتا نێڤدەوڵەتی دا (IVLP) ئەوێ ل دور "کارسازی د زانست وتەکنەلۆژیایێ دا" دهێتە برێڤەبرن، ماموستایێ زانکۆیا پۆلیتەکنیک دهۆک "د. کاروان جعفر" رێڤەبەرێ سەنتەرێ پەرەپێدانا کاری پشکداری د ئەڤی بەرنامەیی دا کریە و لدور ئەڤێ چەندێ دبێژیت: ئەم و سەرکردە و داهێنەرێن ١٧ وڵاتان لسەر داخوازا وەزارەتا دەرڤە یا ئەمریکا پشکداری بەرنامەیێ "کارسازی دزانست و تەکنەلۆژیایێ دا" بوین، و مە باوەرى ب گۆڕانکارییێ هەیە کو دڤێت مۆدێلەکێ بازرگانیێ نوی و جیاواز دکەرتی گشتی و تایبەت دا بهێته ئاڤاکرن بۆ پاڵپشتیکرنا گەشەپێدانا ئابووری. ژلایەکێ دیڤە دکتور کاروانی گوت: بۆ دەمێ 3 حەفتیان مە سەردانا ویلایەتێن ئێکگرتیێن ئەمریکا کر بۆ وێ چەندێ بیرۆ رایێن خۆ لێک بگوهرین وهاریکار بین ل سەر ئاستەنگێن هەڤپشک.

لدویماهیێ رێڤەبەرێ سەنتەرێ پەرەپێدانا کاری ئاماژە ب وێ چەندێ ژی کڕ کو تێگڤەدانا ئیکۆسیستەمێ کارسازیێ ئەمریکا دەرفەتەکا نایابه و ئێکجار مەزنه دژیانێ دا چونکی ئەمریکا جهێ زێدەتر ژ ٣٠ ملیۆن بزنسێن بچوویک و ناڤنجیە، وگەشتا وان دبەرنامێ IVLP دا ل واشنتۆن دی سی دەستپێکر و دویڤدا بەرەف هەر ئێک ژ ویلایەتێن ئۆهایۆ، تەکساس و کۆلۆرادۆیان چون، پێخەمەت وێ چەندێ دەرفەتەکا باشتر پەیداکەن بۆ موکمکرن و خورتکرنا پەیوەندیێن خویێن پروفیشنال و ئاگەهداری ئەزموون وکولتوور و بهایێ ئەمریکا بن، ژلایێ بەرنامێن ئاڵوگۆڕییێن پیشەیی و ئەکادیمی ڤە.

بۆ دیتنا زانیاریێن زێدەتر ئەڤی لینکی کلیک بکەن:

https://iq.usembassy.gov/exchange-programs