هەواڵێن سەرەکی

ب ئامادەبوونا سەرۆکا زانکۆیێ و هاریکارێن سەرۆکا زانکۆیێ و راگرێن کولیژ و پەیمانگەهێن تەکنیکى و هژمارەکا ڤەکۆلەر و ماموستایێن ناڤەندێن خواندنێ یێن هەرێما کوردستانێ و عێراقێ و وەلاتێن عەرەبى، ئەڤرۆ ڕۆژا پێنج شەمبی ڕێکەفتی 17/7/2025ـێ رێورەسمێن بدویماهیک ئینانا سێیەمین کۆنفرانسێ نێڤدەوڵەتیێ زانستی و جڤاکی و مرۆڤایەتی ل کولیژ و پەیمانگەها تەکنیکی کارگێری دهۆک هاتنە برێڤەبرن

لدور ئەڤێ چەندێ سەرپەرشتێ کونفرانسی پروفیسورێ هاریکار دکتور عەلی عبودی رێڤەبەرێ سەنتەرێ عەرەبی یێ دیموقراتى ل عیراقێ دپەیڤەکێ دا سۆپاسیا زانکۆیا پۆلیتەکنیک دهۆک و زانكویا فرات یا ناڤەراست، زانكویا سلێمانی، زانكویا تكریت و دیوانا وەقفا سنی کڕ ژبەر هەڤپشکیا وان بۆ ئەنجامدانا سێیەمین کۆنفرانسێ نێڤدەوڵەتیێ زانستی و جڤاکی و مرۆڤایەتی لژێر ناڤونیشان " زیرەکیا دەستکرد، کوالیتیا ڕاهێنانێ و بنەمایێن پراکتیک دڤەکۆلینێن زانستیدا "ب دروشمێ " زانستێن زانستی و جڤاکی و مرۆڤایەتی : کێشەێن هەنووکەیی و ڕێڕەوێن ئایندەی" ئەوێ ب پشکداریا کومەکا ڤەکولەر و تایبەتمەندێن بوارێن جودا جودا ل هەمى دەزگەهێن حکومى وتایبەت ل عیراقێ و وەلاتێن عەرەبى و لژێر چاڤدێریا( پ. د. ئاري عادل – سەرۆکا زانکۆیا پۆلیتەکنیک دهۆک، پ. د. حسن لطيف الزبيدي – سەرۆکێ زانکۆیا فرات یا ناڤەراست ، پ. د. كوسار محمد عيل مراد – سەرۆکێ زانکۆیا السليمانيێ، پ. د. وعد محمود رؤوف – سەرۆکێ زانکۆیا تكريت، پ. د. عمار الشرعان – سەروکێ سەنتەرێ عەرەبی یێ دیموقراتى ل ئەلمانیا و ب سەرپەرشتیا دکتور ئەحمەد مجید ماموستاو رێڤەبەرێ سەنتەرێ راوێژکارى و بنایات دانانا شیانان ل هەولێرێ و سەرۆکێ جڤاتا وەزیرێن عیراقێ و سەرۆکێ دیوانا وەقفا سنى ل کولیژ و پەیمانگەها تەکنیکی کارگێری دهۆک هاتیە ئەنجامدان.