هەواڵێن سەرەکی

زانکۆیا پۆلیتەکنیکى یا دهۆک (DPU) و بهەڤکارى دگەل سەنتەرێ پێشڤەبرنا ئەکادیمى و پیشەیى (CAPA) لـ زانکۆیا ئەمریکى کوردستان (AUK) – دهۆک، دێ رابن بـ رێکخستنا سمینارەکێ لدور بابەتێ CAPAi (کەمپا راهێنانێ یا بەربەستێن داهێنانێ) (Innovation Challenge Bootcamp)، کو دڤێ سمینارێ دا بەشدار بوى دێ پێزانینان وەرگرن لسەر ڤى پروگرامى، چاوانیا پێشکێشکرنێ بو سکۆلەرشیپا ڤى پروگرامى و دێ چاوا ئەف پروگرامە هاریکاریا تە کەت کو تو کارێ خو یێ تایبەت دەست پێکەى.

هین دداخازکرینە بو بەشداریکرنێ د سمینارا ڤى پروگرامى دا یا کو دێ دەرفەتێ دەتە تە کو بەشدار ببى د کەمپەکا راهێنانێ دا بو ماوێ دوو حەفتیا لـ هاڤینا بهێت.

پێزانینێن سمینارێ:

جهـ: سەروکاتیا زانکۆیا پۆلیتەکنیکى دهۆک، قاتێ دووێ، هولا سمینارا

روژ و مێژوو: پێنج شەمبى، رێکەفتى 15/ 02/ 2024

دەمێ دەستپێکرنێ: دەمژمێر 11ى سپێدێ تا 1ى پشتى نیڤرو

پێزانینێن پێشکێشکارێ:

خوناف ئیبراهیم، هاریکارا بازارگەری یا CAPAi

سەبارەت پروگرامى:

کەمپا راهێنانێ یا بەربەستێن داهێنانێ (Innovation Challenge Bootcamp)، دهێتە سەرپەرشتیکرن ژلایێ بەرێز (رافى سیمونیان) (Raffi Simonian)، رێڤەبەرێ جێبەجێکار یێ سەنتەرێ (Epicenter)، سەنتەرێ توێژینێت کردارى لـ زانکۆیا کالیفورنیا لـ لوس ئەنجلوس (UCLA)، بەرێز رافى سیمونیان دێ ئەزمونەکا تایبەت و شارەزایێن وەرگرتى ژ سەربوران پێشکێش کەت. ئەف پلاتفورمێ تایبەت (پروگرام) هاتییە دانان (مێڤانداریکرن) لـ زانکۆیا ئەمریکى کوردستان (AUK) – دهۆک، سکۆلەرشیپان پێشکێشکى گەنجێن خودان شیان دکەت، ژبو پێشڤەبرنا هزرکرنا کارى (بازرگانى) یا داهێنەرانە. بەشداربوى دێ راهێنانەکا تێر وتەسەل ئەنجام دەن لسەر بابەتێن کارسازیێ، برێڤەبرنا پروژەیان، هزرکرنا شیکارى، و هەروەسا تەکنولوژیا بو خودان کارێن نوى، و بتایبەت کار دێ لسەر چاوانیا چارەسەرکرنا ئاریشەیان برێکەکا داهێنەرانە هێتە کرن.

بەشدار ببە دگەل مە بو بدەستڤەئینانا دەرفەتەکا گورانکار بو بهێزکرن و هزرکرنەکا جودا.