ئەکادیمی

اوانیا نڤیسینا ڤەكۆلینێن زانستی دوۆركشۆپەكێ دا هاتە بەحسکرن

ل ژێر چاڤدێریا "پ. د. ئاری عادل"سەرۆکا زانکۆیا پۆلیتەکنیک دهۆک و ب سەرپەرشتیا ڕێڤەبەریا گشتی یا سەنتەرێ ڤەكۆلینێن زانستی - ڕێڤەبەریا ئاڤاكرنا شیانان و تاقیگەهان، ئەڤرۆ روژا سێ شەمبی ڕێكەفتی ٢٢ێ ئیلۆنا ٢٠٢٦، وۆركشۆپەك ل ژێر ناڤێ "چاوانیا نڤیسینا ڤەكۆلینێن زانستی" ل سەرۆکاتیا هاتە سازكر.

بەری دەستپێکرنا وۆرکشۆپێ سەرۆکا زانکۆیێ پێشوازیا پڕۆفیسۆر دکتور "پ. نەزار شەبیلا" سەرۆكێ زانكۆیا كاسۆلیك یا هەولێرێ کڕ سوپاسیا جەنابێ وی کڕ کۆ ئەو دەلڤەیە رەخساندنی وەک وانەبێژی وۆرکشۆپێ لسەرۆکاتیا زانکۆیا پۆلیتەکنیک دهۆک ئامادە بیت.
ژلایێ خوڤە "پ. د. نەزار" سۆپاسیا سەرۆکا زانکۆیێ و "پ.هـ.د. دیار احمد صائب صدیق "ڕێڤەبەرێ گشتی سەنتەرێ ڤەکۆلینێن زانستی"پ.د. مەسعود عبد الکریم عبد الرحمان، "رێڤەبەرێ پەرەپێدان و توانەکان" کڕ بۆ ئەنجامدانا ئەڤێ چالاکیا زانستی یا گرنکو دیڤدا دەست ب پێشکێشکرنا وۆرکشۆپێ هاتە کرن و ئەڤ تەوەرێن ل خوارێ بۆ زێدەتر ژ65 ماموستا و ڤەکۆلەرێن زانکۆیا پۆلیتەکنیک دهۆک هاتنە شرۆڤەکرن ( پێكهاتەیا گۆتارا زانستی و چوارچێڤێ وێ، چاوانیا نڤیسینا پێشەكیەكە كاریگەر، نڤیسینا ناڤەرۆكا ڤەكۆلینێ، ڕێكباوەر (میتۆد) و ئەنجام، نڤیسینا گەنگەشەكرنەكا ب هێز و دەستنیشانكرنا كێماسیان، نڤیسینا دەرئەنجام و پێشنیاران، هەروەسا بەرنامەیێن بڕێڤەبرنا ژێدەران، ناڤونیشان و كورتە، زێدەباری باشتركرنا دەستنڤیسێ وەک ڕێنمایێن نڤیسینێ، خشتە، وێنە و نڤیسینا زانستی.
دهێتە چاڤەرێکرن ڕێڤەبەریا گشتی یا سەنتەرێ ڤەكۆلینێن زانستی - ڕێڤەبەریا ئاڤاكرنا شیانان و تاقیگەهان ل زانکۆیا پۆلیتەکنیکی یا دهۆک د روژێن بهێت دا چەندین چالاکیێن زانستی و ئەکادیمی وەک پلانا سالا خواندنێ 2026-2027 ئەنجامبدەت.