زانكۆیا پۆلیتەکنیکی یا دهۆک پشکداری د کۆنفرانسێ دەستەیا ئەلمانی یا گۆڕینەوەیا ئەکادیمی (DAAD) دا کر ل تونسێ

ب مەرەما بهێزکرنا گۆڕینەوەیا هزرا زانستی و توندکرنا پەیوەندیێن ئەکادیمی و پیشەیی د پاشەڕۆژێ دا، پ. هـ. د. دیار أحمد سائیب سدیق، ڕێڤەبەرێ گشتی یێ سەنتەرێ ڤەکۆلینێن زانستی ل زانكۆیا پۆلیتەکنیکی یا دهۆک، پشکداری د کۆنفرانسەکێ دا کر یێ کو ژ لایێ دەستەیا ئەلمانی یا گۆڕینەوەیا ئەکادیمی (DAAD) ڤە هاتبوو ڕێکخستن، ئەوا ل ڕێکەوتی 6-8ی تشرینا ئێکێ (ئۆکتۆبەر) 2025ێ ل هۆتێل و سەنتەرێ کۆنفرانسان یێ "ڕادیسۆن بلۆ" ل وەڵاتێ تونسێ هاتبوو گێڕان.

پ. هـ. د. دیار أحمد سائیب سدیق دیار کر کو ئەڤ کۆنفرانسە هاتیە ڕێکخستن ژ پێخەمەت ئاسانکرنا گۆڕینەوەیا هزرێن ئەکادیمی ل تونس، عەممان و قاهیرە، و دیسان بۆ بهێزکرنا پەیوەندی و هەڤکاریێ د ناڤبەرا ڤەکۆلەر و ئەکادیمیا دا ل سەرانسەری جیهانێ، ب تایبەتی ل دەڤەرا ڕۆژهەڵاتا ناوەڕاست و باکوورێ ئەفریقیا. کۆنفرانسی ئارمانج ل سەر ئاڤاکرنا پەیوەندیێن هەڤکاریێ، ڕەخساندنا دەلیڤەیێن کارێ پێکڤەیی، و دووڤچوون و گەنگەشەکرنا ئەنجامێن گرێدایی ستراتیژیێن هەڤکاریا پاشەڕۆژێ بوو.

ناڤهاتی ئاماژە ب هندێ ژی کر کو کۆنفرانسی چەندین ڕوودانیشتنێن گرنگ بخۆڤە گرتبوون، دگەل چەندین گەنگەشەیێن جودا ل سەر بابەتێن گرێدایی سەرکردایەتیا ئەکادیمی، بەردەوامیا هەڤپشکیان، هەڤکاریا هەرێمی، و گەشەپێدانێ.

پ. هـ. د. دیار أحمد سائیب سدیق دۆپات کر کو کۆنفرانسی چەندین پەنەل و ڕوودانیشتنێن فەر د دۆڕا خۆ دا حەواندبوون، زێدەباری چەندین دانوستاندنێن هەمەجۆر ل سەر بابەتێن سەرکردایەتیێ، بەردەوامبوونا هەڤپشکیان، کارێ پێکڤەیی یێ هەرێمی، و پێشخستنێ