ڤه‌كولينێن زانستى

ل ژێر دروشمێ زیرەکیا دەستکرد و چڤاك ئایندێ مەیە، و ب ئامادەبونا "د. امیر عبدالرحمن" راوێژکارێ وەزیرێ وەزارەتا خواندنا بلند و ڤەکولینێن زانستی و "پ. د. ئارى عادل" سەرۆکا زانکۆیا پۆلیتەکنیک دهۆک و"نەزار پالوس" سەرۆکێ زانکۆیا کاسولیکی و "پ. هـ. د. یەمان سامی" هاریکارێ سەرۆکا زانکۆیێ بۆ کاروبارێن زانستی و خواندنا بلند وهژمارەکا رێڤەبەر و بەرپرسێن دام و دەزگەهێن حکومى و حزبی، ئەڤرو روژا سێ شەمبی رێکەفتی 25\2\2025 سەمپۆزیوما زیرەکیا دەستکرد و چڤاک ئایندێ مەیە ب هەڤپشکی یا زانکۆیا پۆلیتەکنیک دهۆک و زانکۆیا کاسولیکی ل هەولێرێ هاتە ئەنجامدان

پەیڤا بخێرهاتنێ ژلایێ " پ. د. نەزار پاولس" سەرۆکێ زانکۆیا کاسولیکی هەولێرێ ڤە هاتە خواندن و دیڤدا "د. امیر عبدالرحمن" راوێژکارێ وەزیرێ وەزارەتا خواندنا بلند و ڤەکولینێن زانستی دپەیڤەکێ دا، ئەڤ سەمپۆزیومە ب پێنگاڤەکا باش و گرنگ دا زانین و دەست خوش ل هەر دوو زانکۆیان کڕ ژبۆ رێکخستنا ئەڤی بابەتێ گرنگ، ژلایەکێ "پ. د. ئــاری عــادل" سەرۆکا زانکۆیا پۆلیتەکنیک دهۆک د پەیڤەکێ دا گوت: سۆپاسیا زانکۆیا کاسولیکی دکەین ژبۆ ئەنجامدان کارێن هەڤپشک و ئەڤە بابەتێ نوکە بابەتەکێ گەرمە د روژەڤێ دا و جڤاکێ مە پێتڤی ب ئەڤان جورە بابەتێن گەرمە، و هەروەسا تەکەزی لسەر پێگەهاندنا جڤاکی کڕ ژلایێ زانکۆیان ڤە.

د سمینارا ئێکێ یا سەمپوزیومێ دا "پ. د. تارق رەشید" بەحسی AI and Its Limits کڕ و دیڤدا پانێلێ ئێکێ یێ بناڤ و نیشان (AI and Ethics) ژلایێ ماموستا "بارین هەڤال" ژ رێڤەبەریا پەیوەندیێن نێڤدەولەتیێن زانکۆیا پۆلیتەکنیک دهۆک، و ب مێهڤانداریا هەر ئێک ژ دکتور "فائز سەعید" رێڤەبەرێ سەنتەرێ گەشەپێدانا کاری ل زانکۆیا پۆلیتەکنیک دهۆک، و ماموستا "پ. د. رغد یوسف" ماموستایێ زانکۆیا سەلاحەدین، و "پ. هـ. د. فیراس المختار" ماموستایێ زانکۆیا کاسولیکی هەولێر هاتە برێڤەبرن.

د سمینارا دووێ یا سەمپۆزیومێ دا ماموستا " ئارمان ئیسماعیل ژ رێڤەبەریا تەکنولوجیا زانیاری ل زانکۆیا پۆلیتەکنیک دهۆک بەحسێ

Al & neuroscience:Unlocking the future of Human-Machine Interaction کڕ.

د پانێلێ دووێ دا دیبەیتا بناڤ و نیشان (AI: Benefits & Risks in Modern Society) ژلایێ ماموستا "هێلین شەمال" ژ زانکۆیا کاسولیکی هەولێر، ب مێهڤانداریا هەر ئێک ژ "پ. هـ. د. هەڤال تارق" هاریکارێ راگرێ کولیژا تەکنیکی دهۆک ل زانکۆیا پۆلیتەکنیک دهۆک، وهەر ئێک ژ ماموستایان " پ. هـ. د. شەهاب وەهاب " و ماموستا "ئاواز ئەحمەد" ژ زانکۆیا کاسولیکی هەولێر ڤە هاتە برێڤەبرن.

و دسمینارا سێ یێ دا دکتورە "جوان نەجیب" ماموستایا زانکۆیا پۆلیتەکنیک دهۆک بەحسێ AI and Deepfakes: The Illusion of Reality کڕ

دسمینارا دویماهیێ دا "م. حنین خالد" ماموستایا زانکۆیا کاسولیکی بەحسی AI and modern Crimes کڕ، و ل دویماهیێ باوەرنامە لسەر پەنەلیست و پێشکێشکارێن سمیناران هاتنە بەلاڤکرن

#راگەهاندنا_زانکۆیا_پۆلیتەکنیک_دهۆک

بو دیتنا وێنەیێن زێدەتر ئەڤى لینکى کلیک بکەن

https://t.me/DUHOK_POLYTECHNIC_UNIVERSITY_DPU