ئەندازیاری وزە


كورتيەك ل سەر پشكێ:

پشكا ئەندازيارى ووزە ل كوليژا تەكنيكى ئەندازيارى ل زانكويا پوليتەكنيكى يا دهوك ل سالا 2016-2017 پێشوازى ل كاروانێ ئێكێ يێ قوتابييان كر. زۆر ئەگەر هەبوون بو ڤەكرنا پشكێ ژوان ئەگەران پێتڤى ب هەبوونا ئەندازيارى تايبەتمەند دگەلەك بوارێن ووزێ دا وەكى ووزا سوتەمەنيا ئەنجامداى ژ حەليانا بونەوەرا (الطاقة الاحفورية) و ووزا ئەتوومى (الطاقە النووية) و ووزێن نى دبن وەک ( ووزا روژێ – ووزا هايدروجينى – ووزا باى - ووزا بارستا زيندى (طاقة الكتل الحيوية) و وەرگێرانا وێ ووزێ بو ووزا كارەباى. هەروەسا ئەگەرەكێ دى بوو ڤەكرنا پشكێ ئەوە بوو زەنگينكرنا بوارێ ئەندازيارى ب ئەندازيارێن شارەزا سەبارەت ب كارئينانا ووزێ دژيانا روژانەدا و چاوانيا دەستڤەگرتنا وێ بوو كێمكرنا پيسيا ژينگەهێ ل دەمێ بكارئينانا ووزێ دا، ژبەر پيسبوونا هەواى دبيتە ئەگەرێ ئێشێن سيهان ل دەڤ خەلكی و باژێرى دهوكێ ب تایبەت. (جهێ پشكێ و كوليژێ) جهەكێ گونجاى يە ژبەر هەبوونا ژێدەرێن ووزێ ب تايبەت ووزا نى دبيت.

ئارمانجێن پشكێ:

ئارمانجا پشكێ ئەوە پێگەهاندنا ميلاكێ ئەندازيارى يێ تايبەتمەند ب ديزاين و بجهئينان و كاركرن و سەخبێرى و پێشخستنا دەزگا و كارگەهێن ژێدەرێن ووزا نى دبيتن وەكى (ووزا روژێ ، ووزا ئاڤێ، ووزا باى، ووزا هايدروجينى، ووزا بارستايێ زيندى، و دەزگا و كارگەهێن ووزا ئەتوومى، و وێستگەهێن ووزا كارەبێ بكاردئينن). ئەڤەژى دێ پەيدابيتن ب رێكا وەرگرتنا شارەزايێن ئەندازيارى ئەوێن وەدكەن ئەندازيارێ ووزێ د بەرهەمئينانا ووزێ بگەهيتن و گهورينا وێ ژ شێوەكى بو ئێكێ ديتر، و كوگەهكرنا وێ هەروەسا دەستڤەكرنا وێ بو پاراستنا ژينگەهێ و كێمكرنا ئێشێن پەيدا دبن ژ گەلەك بكارئينانا وێ.

ڤەديتنا پشكێ:

هەر ژ دامەزراندنا پشكێ فوكس يا هاتيەكرن ل سەر ئاڤاكرنا پاشەروژەكا ئەندازيارى يا گونجاى دگەل چريا ئاكنجيبوونێ و پێتڤياتێن سيكێ بو كادرێن ئەندازيارى و تەكنيكى و پێشڤەبرنا ميلاكاتێن ئەندازيارى يێن تايبەتمەند دبوارێ ووزا نى دبيت و پێشڤەبرنا بكارئينانا زانياريێن ئەندازيارى دبوارێ ووزێ بو پشتەڤانيكرنا شيانێن زانستى و تەكنيكى بو كەرتێ ووزێ ل هەرێمێ، هەروەسا بكارئینانا راست و درست بو ووزێ و ژێدەرێن ووزێ يێن سروشتى ژبوو پێگەهاندنا بەردەست ل عيراقێ. زێدەبارى پشكدارى دشيانێن مەزاختى يێن نەتەوەیى و نيڤ دەولەتى يێن ب ئارمانج پێشڤەبرنا تەكنولوجيايێ بو بەرهەمئينان و ڤەگوهاستن و بكارئينانا ووزا پاقژ و پارێزگار بو ژينگەهێ ل هەرێما كوردستانێ و عيراقێ.

پەیاما پشکێ:

سەبارەت ناما پشكێ، پشكا ووزە وێ نامێ رادكەت كو پلاندانان و بجهئينانا ڤەكولينێن زانستى و ئەكادمى و پراكتيكى دبوارێ ووزا نى دبيت بو پاراستنا ژینگەهێ ب رێكا پشكدارى د داهێنان و دانانا هزرێت نى دڤەكولين و خاندن و بەلاڤكرنا زانينا زانستى و شارەزایێ د كومەلگەهێ دا و پێشكێشكرنا پشتەڤانيا زانستى بو دەزگەهێن زانستى و پێشەسازی. هەروەسا لدويڤ چوون بو پێشڤەبرنا تەكنيكا ووزێ يا گونجاى بو سروشتێ عيراقێ و هەرێما كوردستانێ و ژێدەرێن وان و بەرزكرنا توانستا ووزێ و چاوانيا بكارئينانا وێ بو باشترين رێك بو برێڤەبرنا ووزێ بو پێشڤەبرنا پێگەهاندنا بەردەوام ل وەلاتێ مە.