روینشتن دگەل نوێنەرێن ڤەکولینێن زانستی

لەسەر بنەمای پلانێن ستراتیژیێن زانکروینشتن دگەل نوێنەرێن ڤەکولینێن زانستیۆیا پۆلیتەکنیکی یا دهۆکێ بۆ پێشڤەبرنا کەرتێ چاندنێ و بکارئینانا تەکنۆلۆژیایێن سەردەم، شاندەکێ زانکۆیێ ب سەرۆکاتیا د. دیار ئەحمەد سائیب، رێڤەبەرێ سەنتەرێ ڤەکۆلینێن زانستی، دگەل مامۆستایێن پەیمانگەها تەکنیکی یا دهۆکێ، رێزداران وارهێل نادر عەلی و زەمان سالح نعمان، سەرەدانەکا فەرمی بۆ باژێرێ هەولێرێ ئەنجامدا. مەرەم ژ ڤێ سەرەدانێ ژ نێزیک ئاشنابوون بوو ل سەر سیستەمێ خانیێن شووشەیی یێن زیرەک (Smart Greenhouse).

ئارمانج ژ سەرەدانێ ئەوە کو لێکۆلین ل سەر شیاویا ڤەگوهاستن و جێبەجێکرنا ڤێ هزرا داهێنەرانە ل ناڤ کەمپوسێ زانکۆیێ بهێتە کرن. د درێژاهیا سەرەدانێ دا، شاندی دگەل کۆمپانیێن تایبەتمەند و شارەزایێن بواری چاندنا زیرەک کۆمبوون. پرۆژەیێ پێشنیارکری ل سەر سێ تەوەرێن سەرەکی هاتیە ئاڤاکرن:

• پشتەڤانیکردنا ڤەکۆلینێن زانستی.
• دابینکرنا ژینگەکا گونجای بۆ مامۆستا و قوتابیان دا کو بشێن لێکۆلینێن پێشکەفتی یێن چاندنێ ئەنجام بدەن.
• تێکەڵکرنا سیستەمێن زیرەک و ئۆتۆماتیکی د ناڤ کارێن چاندنێ دا.

زێدەباری ڤێ چەندێ، پرۆژە بزاڤێ دکەت بۆ پشتەڤانیکردنا جوتیارێن دەڤەرێ ب رێیا پێشڤەبرنا شیانێن وان د ڤی بواری دا. چاڤەڕێ دهێتە کرن ئەڤ دەستپێشخەرییە زانکۆیێ بکەتە سەنتەرەکێ راوێژکاری یێ پێشەنگ بۆ پێشکێشکرنا رێنمایی و پشتەڤانیێ بۆ جوتیارێن دەڤەرێ، دا کو بشێن بلندترین ئاستێ بەرهەمهێنانێ ب کێمترین تێچوون بدەستڤە بینن.

ل دویماهیێ، شاندی تەکید ل سەر هندێ کر کو جێبەجێکرنا پرۆژەیێن ب ڤی ڕەنگی دێ بیتە ئەگەرێ:

• بێهێزکرنا لایەنێ پراکتیکی یێ زانکۆیێ.
• پێشکێشکرنا هاریکاریێن مەزن بۆ پێشڤەبرنا کەرتێ چاندنێ ل پارێزگەها دهۆکێ.