وورک شوپه‌کى ل دور ژێده‌رى زانستى بۆ ڤه‌کۆله‌ران هاته ئه‌نجام دان


ب مه‌ره‌ما پێشخستنا شیانێن ڤه‌کۆله‌ران د وارێ نڤیسینا ئه‌کادیمی دا، رێڤه‌به‌ریا گشتى یا سه‌نته‌رێ ڤه‌کۆلینێن زانستى ب هه‌ماهه‌نگی دگه‌ل رێڤه‌به‌ریا ئاقارکنا شیانان و تاقیکه‌هان ل زانکۆیا پۆلیتکنیک دهۆک، ل رێكه‌ڤتی ۹ چریا دووى ٢٠٢٦، وۆرک شوپه‌کى زانستى ل ژێر ناڤونیشانی “ژ ژێده‌ران بۆ ژێده‌رگرتنی: شاره‌زابوون د به‌رنامه‌یین (Mendeley) و (Zotero) بۆ ڤه‌کۆلینێن ئه‌کادیمی” ژلایی “د. عه‌مار عیسام ئه‌دریس” هاریکاری راگرى کۆلیژا ته‌کنیکی یا زاخۆ و راوێژکارى به‌رنامێ مه‌نده‌لی (Mendeley) ڤه‌ ل هۆلا سه‌میناران یا سه‌رۆکایه‌تییا زانکۆیی هاته‌ پێشکێشکرن.
ئارمانج ژ ئه‌ڤى چالاکی‌یى ئه‌و بوو کو ڤه‌کۆله‌ر ب شێوه‌‌یه‌کى رێکخستى ژێده‌ران کۆم بکه‌ن و رێکبێخن، ده‌مى خۆ بپارێزن، هه‌روه‌سا کێماسی و خه‌له‌تیان د نڤیسینا ئه‌کادیمی دا کێم بکه‌ن. وۆرک شوپى ٤ ده‌مژمێران ڤه‌کێشا و رێنماییێن کریاری پێشکێشکرن دا کو پشکدار بشێن ئامرازین برێڤه‌برنا ژێده‌ران ب شێوه‌‌یه‌کى کارا د ناف کارین خۆ یێن نڤیسینا ئه‌کادیمی دا به‌کار بینن.
به‌رنامه‌یی وۆرک شوپى ل سه‌ر دوو روونشتنین سه‌ره‌کى هاتبوو دابه‌شکرن. د روونشتنا ئێکى دا، تیشک ئێخسته سه‌ر به‌رنامێ (Mendeley) و چه‌وانیا به‌کارئینانا وى، ب تایبه‌تى د ئینانا ژێده‌ران ژ داتابه‌سین ئه‌کادیمی و په‌رگه‌یین PDF، و رێکخستنا وان د ناف کۆمه‌لان دا. هه‌روه‌سا به‌حس ل گرىدانا به‌رنامه‌ى ب (Microsoft Word) و چه‌وانیا دانانا ژێده‌ران د ناف ده‌قان دا، دروستکرنا لیستا ژێده‌ران و گۆهۆڕینا ستايلێن وان ب شێوه‌‌یه‌کى پراکتیکی هاته‌ کرن.
د روونشتنا دووى دا کو پشتى بێهنه‌ڤه‌دانى دەستپێکر، به‌رنامێ (Zotero) بۆ برێڤه‌برنا ژێده‌ران هاته‌ شروڤه‌کرن. ل ڤێره‌ پشکداران فێرى چه‌وانیا دابه‌زاندن و به‌کارئینانا (Zotero) و گرێدانا وى ب وێبگه‌ران بوون، زێده‌بارى رێکخستنا په‌رگه‌یان د ناف کۆمه‌ل و ژێر-کۆمه‌لان دا، و برێڤه‌برنا تێبینییان (Annotations) د ناف په‌رتووکخانه یه‌کا تایبه‌ت دا. هه‌روه‌سا کو به‌رنامه‌یی پیشتر، شێوازى به‌کارئینانا پلاگینی (Zotero) د ناف به‌رنامێ وورد دا بۆ دانانا ژێده‌ران و نویچه‌کرنا وان هاته‌ روونکردن. د دووماهییا وۆرک شوپى دا، گرنگترین خالێن بابه‌تان هاته‌ کورتکرن و ده‌رگه‌هى پرسیار و گه‌نگه‌شه‌یی بۆ ئاماده‌بوویان هاته‌ ڤه‌کرن.