By; Ala’a R. Al-Shamasneha, Herman Khalid Omerb, Nada Tawfiqb, Faten Khalid Karimc, Hamid A. Jalab​

https://jksus.org/enhanced-skin-cancer-classification-using-a-combination-of-bag-of-words-and-deep-q-network-features-with-relieff-feature-selection/

شێرپەنجەیا پیستی ل سەرانسەری جیهانێ وەک دۆزەکا مەزن و مەترسیدار یا ساخلەمیێ دهێتە نیاسین، و دەستنیشانکرنا وێ یا پێشوەخت گەلەک یا گرنگە بۆ مسوگەرکرنا چەساندن و چاره‌سه‌ریا گونجای بۆ ڤێ نەخۆشیا خراب. رێبازێن دەستنیشانکرنێ یێن کەڤنار (تەقلیدی)، وەک پشکنینا ب چاڤی و وەرگرتنا نموونەیێ (خۆزیا/بیۆپسی)، گەلەک جاران پێدڤی ب دەمی، شارەزاییێ، و کەرەستەیێن پزیشکی هەیە.

د ڤێ خواندنێ (دیراسەتێ) دا، رێبەکا تێکەڵاو (هێبرید) هاتیە پێشنیارکرن بۆ دەرئێخستنا تایبەتمەندیان (features)، ئەو ژی ب بکارئینانا دالا تایبەتمەندیێن "کۆمەکا پەیڤان" (Bag of Words - BoWs) و تۆرەیا "کیو" یا کوور (Deep Q-Network - DQN) دگەل ئەلگۆریتمێ (ReliefF) بۆ هەلبژارتنا تایبەتمەندیان، دا کو جۆرێن جودایێن شێرپەنجەیا پیستی بهێنە پولێنکرن. ئەڤ مۆدێلێ هاتیە پێشنیارکرن ژ چوار قۆناغان پێکدهێت: چارەسەریا دەستپێکی (پێشوەخت)، دەرئێخستنا تایبەتمەندیان، هەلبژارتنا تایبەتمەندیان، و پۆلێنکەر (classifier).

ئەڤ تێکەڵکرنا دەرئێخستنا تایبەتمەندیان ب رێیا (BoWs) دگەل دەرئێخستنا تایبەتمەندیێن کوور ب رێیا (DQN) وەس دکەت کو (BoWs) بشێت نەخشێ شانەیی (مەلمەس)، ڕەنگ، و نەخشێن جهی (spatial patterns) بگریت، ل لایێ دی (DQN) دشێت ناڤەڕۆکا گشتی (global context) بگریت ب رێیا کۆدکرنا نیشانێن دیتنێ یێن ئالۆز و شێوازێ (مۆرفۆلۆجیا) برینێ، ئەو تشتێ کو (BoWs) نەشێت بگریت. دیسان ئەلگۆریتمێ (ReliefF) تنێ وان تایبەتمەندیێن هەرە گونجای و گرنگ ژ ناڤ تایبەتمەندیێن تێکەڵبوویی یێن ژ (BoWs) و (DQN) هاتینە وەرگرتن هەڵدبژێریت، و تایبەتمەندیان ل دویف شیانا وان بۆ جوداکرنا دناڤبەرا جۆرێن جودادا رێزبەند دکەت.

د ڤێ دیراسەتێ دا، کۆمەیا داتایان یا ISIC-2019 کوا بۆ هەمی کەسان بەردەستە هاتیە بکارئینان. ب گشتی، ئەنجامان دیارکر کا چەوا ئەڤ مۆدێلێ تێکەڵاو یێ دەرئێخستنا تایبەتمەندیان بوو ئەگەرێ بلندکرنا ئاستێ دروستیێ (accuracy) د پۆلێنکرنا شێرپەنجەیا پیستی دا. ئاستەنگێن ل بەرامبەر ڤەکۆلینێن د پاشەڕۆژێ دا ب خۆڤە دگرن: باشترکرنا تەکنیکێن چارەسەریا دەستپێکی، و بکارئینانا ئەلگۆریتمێن گونجاندنێ (optimization) بۆ رێکخستنا بڕیاردەرێن سەرەکی (Hyperparameters) یێن تۆرەیا (DQN) و پۆلێنکەری، کو ئەڤە چەند خالێن گەلەک گرنگن بۆ باشترکرنا کارکرنا ڤێ رێبازا هاتیە پێشنیارکرن