ته‌ندروستى وسه‌لامه‌تى

ژبو دابينكرنا ژينگەهەكا ساخلەم و ئارام و پاراستنا تەندروستى وسلامەتيا ماموستا وتەكنيكارا وفەرمانبەرا وقوتابيا پێتڤییە ئەڤ رێنمايێت خارێ كار پێ بهێتەکرن:

ڕێنمایێت گشتى:

1. بو خوپاراستن ژ نەخوشیا ((COVID.19 دڤێت پشکنینا پلا گەرمێ (فحص الحرارة) بهێتەكرن بو هەمی ماموستا و فەرمانبەر وقوتابی وهەر کەسەکێ سەرەدانا سەروکاتیا زانکویامە یان کولیژ و پەیمانگەهێت مەبکەت وکەس بێ ماسک نەهێتە دژورڤە.
2. دەرگەهـ وپەنجەرێن ژورا دڤەکریبن دا هەوا بهێتە گهورین.
3. دەرگەهـ وپەنجەرێن هولێن خاندنێ ولابورا دڤەکریبن لدەمى وانا.
4. تافیلکەرێن دەستا لهەمی ژور وهول ولابورێن خاندنێ بهێنە دابینکرن.
5. سابین یا رون بهێتە دابین کرن لدەست شویان.
6. نابيت هیتەرێت كارەبێ د ژوريێت فەرمانبەراڤە بهێنە هەلكرن.
7. نابيت گەلەک ئامیرێت کارەبێ لسەر ئێک سویچ پلاک بدەنە شولى.
8. پاراستنا ساخلەمیا گشتى و ئارامیێ دناڤ ئاڤاهى دا (پاراستنا بێدەنگیێ و نەکێشانا جگارا و پاراستنا پاکژیێ).
9. وایەرێت کارەبێ بەردەوام بهێنە پشکنین کرن وسەخبێریکرنا سبلێتا و مبردا وپاکژکرنا پانکێت هەواى .
10. ڤەمراندنا هەمى ئامیرێت کارەبێ دەمێ ژورا خو دەردکەڤى و لدوماهیا دەوامێ .
11. دابینکرنا بتلێت ئاگر ڤەمراندنێ ژجورێ باودر و دووانی ئوکسیدی کاربون CO2 و (هەنتەر و تەپە لسەر بوردێت کارەبێ) وەکو پێتڤى و لدیف رێنمایێت بەرگریا شارستانى.
12. دابینکرنا سەبەتا ڤێراگەهشتنێت دەستپێکى دگەل هەمى پێداویستێت وێ.
13. پێتڤییە هەمى فەرمانبەر خو فێرى چەوانيا بكارئينانا بتلێت ئاگر ڤەمراندنێ بكەن و چەوانيا كونترولكرنا ئاگرى.
14. ڤەكرنا وورك شوپێت ئاگر ڤەمراندنێ و ڤێراگەشتنێت دەست پێكى First Aid.
15. لدەمێ وانێت پراکتیکى وكارى دلابورا و وەرشادا پێتڤییە ماموستا وتەکنیکار وقوتابى هەمى پێداويستيێت خوپاراستنا كەسايەتى (Personal Protective Equipment) بكاربينيت وەكى جل وبەرگ ودەزگورك و ماسك و كولاف وپێلاڤ و بەرچافکێت تایبەت و هتد.
16. كوگەهكرنا كەرستا بشێوەکى رێك وپێك.
17. خو خلاس كرن ژ هەمى پيش و پەلاش و گلێشێ لدەوروبەرێت ئاڤاهيا و كوگەها.
18. لدەمێ رويدانێت ئاگرى ئێكسەر تيلەفونا بەرگريا شارستانى بكە ژمارە 062115 و رويدانێت نەساخيا وبرينداربونێ و شکەستنا تەلەفونا هەوارهاتنا بلەز 062122 بكە
19. هەمى ترومبێلا پێتڤییە بتلەکێ ئاگر ڤەمراندنێ و جانتەکا ڤێراگەهشتنێت دەستپێکى تێدابیت.
20. پاراستنا پاکژیا دەست ئاڤا ودابینکرنا سابینا رون ویاهشک وهەروەسا کلینسا.
21. دابينكرنا سەتلێت كلێشى يێت ب قەپەغ ل دەست ئاڤا دانەبنە ئەگەرێ بەلاڤبونا نەخوشيا.
22. دابينكرنا زەنگا ئاگەهداريكرنا رويدانا بو هەمى ئاڤاهيا.
23. دابينكرنا ئاميرێ هەستێنەرێ دويكێلێ ل نهومێت ئاڤاهيا.
24. ئەنجام دانا سمینارا ژبو بەرزکرنا ئاستێ رەوشەنبیریا تەندروستى.

سەبارەت بەشێت نافخويى:

• گرنگيدان بپارستنا پاقژيا بەشێت نافخويى بشێوەكى بەردەوام.
• سەخبێریا وایرا وئامیرێت کارەبێ بشێوەکى بەردەوام .
• سەخبێريكرنا قريولا وئەوێت دوو قات قاتێ سەرى پارچا پاراستنا كەفتنێ لێ بهێتە زێدەكرن .
• پاراستنا پاکژیا لێنانگەها و دابینکرنا باکێشا هەواى ودانانا قنینا غازێ لدەرڤەى لێنانگەهێ.
• بيرئينانا قوتابيا برێنمايێت رێڤەبەريا بەشێت نافخويى وهەر قوتابيێ پێگریێ پێنەکەت دێهێتە سزادان وەك:

1. پێگيرى بدەمێ گرتنا دەرگەهێ بەشێ نافخويى دەمژمێر 10 شەڤێ بو كوران وبانگێ مەغرەب بو كچان.
2. نابيت قوتابى بهيچ رەنگەكى و بو چ كارەكى بيت بچيتە سەر بانێ ئاڤاهى.
3. نابيت قوتابى كەرستێت بەشێ نافخويى بشكێنيت و ياريا پێ بكەت.
4. دڤێت قوتابى رێزێ ل هەڤالێت خو بگریت و پێگریێ ببێدەنگیێ بکەت.

سەبارەت لابورا:

1. بو خوپاراستن ژ نەخوشیا (COVID.19) دڤێت قوتابی وەک گروپێن جودا جودا ئامادەبن دلابورا و وەرشاڤە دا ژمارا وان نەبیتە گەلەک وهەمیا ماسک لبەربن ودەرگەهـ وپەنجەرێت لابورا دڤەکریبن لدەمێ وانا پراکتیکی.
2. دابینکرنا پێداويستيێت خوپاراستنا كەسايەتى (Personal Protective Equipment) وەكى جل وبەرگ ودەزگورك و ماسك و كولاف پێلاڤ و بەرچافکێت تایبەت هتد...
3. نابیت خارن و ڤەخارن دلابورو وەرشا دا بێتە دانان.
4. پێگیرى ب رێنمایێت تەندروستى و سلامەتى لدەمى دەستکارییا ئامیرو وکەرستا دهێتەکرن.
5. بەرى دەستکاریا هەر کەرستەکێ کیمیائى بکەى دڤێت ئەو رێنمایێت لسەر بخوینن.
6. نابيت كەرستێت كيميائى بهێنە زڤراندن بو شيشێت وان پشتى دهينەدەرێ.
7. نابيت دەستكرنا كەرستێت كيميائى يان بێهنكرناوان.
8. نابيت كەرستێت كيميائى بشێوەكێ ئيكسەر بهێنە رێتن ل سنكێ ئاڤێ دا تانەهێتە زەلالكرن.
9. پێتڤييە دەستكاريێ دگەل كەرستێت ترسناك بشێوەكێ زانستى بيت بو نمونە دەمێ زەلالكرنا ترشێ كبريتيك ب ئاڤێ دێ ترشێ كبريتيك ى كەيە ناڤ ئاڤێ و نابيت ئاڤێ بكەيە ناڤ .
10. بێتڤييە باكێشێت مەزن دلابور و وەرشادا و هود بو وەرشێت كيميايێ بهێنە دابينكرن.
11. كەرستێت كيميائى تڤيا بشێوەكى دروست بهێنە كوگەهكرن.
12. رينمايێت تەندروستى وسلامەتى يێن تايبەت لهەمى لابورا و وەرشەا تڤيا بهێنەهەلاويستن.
13. پشتى هەر وانەكا پراكتيكى پێتڤييە ماموستا و تەكنيكار دەستێت خو باش پاقژكەن و جل و بەرگێت كارى ژلابور و وەرشا دەر نەئێخن وحەنەفيێت ئاڤێ و ئاميرێت كارەبێ بگرن.

سەبارەت ئاڤاهيێت نوى دهێنە چێكرن:

1. بو خوپاراستن ژ نەخوشیا ((COVID.19 دڤێت کارمەندا ماسک لبەربن دەمێ دهێنەد ناڤ ئاڤاهیێت مەدا.
2. پێتڤييە بەلێندەر هەمى پێداويستێت پاراستنا كەسايەتى وەكى جل و بەرگا و بەرچافكا و دەزگوركا وپێلاڤا و هتد....... دابينكەت.
3. پێتڤييە بەلێندەر جهەكێ تايبەت ويێ ساخلەم بو بێهنڤەدانا كارمەندا دابينكەت.
4. پێتڤييە دەست ئاڤ ل نێزيكى جهێ كارى بن و هەمى جورێت پاكژكەرا وكلينس لێ دابينكرى بن.
5. پێتڤييە ئاڤا فەخارنێ يا بتلا بشێوەكێ بەرفرەهـ هەبيت.
6. ودەمێ هەست دكەن كارمەندەك يێ نەخوشە تڤيا بهێتە بێنڤەدان ونەهێتە سەر جهێ كارى.
7. دابينكرنا ئيسكەل و دوسێت ب رێك وپێك.
8. نەبكارئينانا دار ودوسێت كەڤن.
9. ئەو ئاميرێت بكاردئينن تڤيا نەد ژكاركەفتى يان بێسەروبەربن.
10. ديفچون لسەر دابينكرنا ڤان هەمى پێداويستيا ودەمێ بەلێندەر پێگريێ پێنەكەت بهێتە سزادان.